monumenta.ch > Plinius > sectio 36
Word Selection for Searching
Report an Error in this Sectio
Plinius, Naturalis Historia, 6, 36
{XV} Nam et inrumpit e Scythico oceano in aversa Asiae; pluribus nominibus accolarum appellatum celeberrimum est duobus, Caspium et Hyrcanium. non minus hoc esse quam Pontum Euxinum Clitarchus putat, Eratosthenes ponit et mensuram ab exortu et meridie per Cadusiae et Albaniae oram V stadia, inde per Anariacos, Amardos, Hyrcanos ad ostium Zoni fluminis IIII ab eo ad ostium Iaxartis MMCCCC, quae summa efficit XV p.